Сыктывкар дасьтысьӧ нуӧдны «Россияса лыжня – 2019»

«Россияса лыжня – 2019» ставроссияса котралӧм юркарын кӧсйӧны нуӧдны урасьӧм тӧлысь мӧд лунӧ.

Сыктывкарсаяслы медшӧр котӧртӧмыс лоӧ «Спортивнӧй» (вӧвлӧм «Динамо») лыжи базаын кӧрт туй вокзал сайын, кӧні 11.00 медводз котӧртасны спортшколаясӧ ветлысьяс, а сэсся челядь видзанінысь дзолюкъяс да школаясын велӧдчысьяс. Та бӧрын лыжи вылӧ вермас сувтны да котӧртны быдӧн.

Юркарлӧн Эжва районын ордйысьӧмъяс сідзжӧ пансясны лун шӧр кадын спортсменъяссянь. Сэсся вермасны котӧртны и челядь, и том. Лыжиӧн котӧртасны сідзжӧ Гӧрд Затон да Вылыс Максаковка посёлокъясын.

«Спортивнӧй» базаын да Эжваын лыжиӧн котралысьяслы дасьтасны пӧсь тшак да рок, пӧжасӧн вузасьӧм да гажӧдчан уджтасъяс. Финишӧ воӧмаяслы сетасны «Россияса лыжня – 2019» символика магнитикъяс.

Ордйысьӧм дырйи кыдзи и век уджаласны мездысьяс, пӧрадок видзысьяс. «Спортивнӧй» базаӧ машинаӧн мунысьяслы лӧсьӧдасны ӧтарланьӧ мунысь туй – 9 асывсянь 12 час лунӧдз Вӧрпарк улича кузя позьӧ мунны сӧмын Ручейнӧй уличасянь Радиобиология станция туйвежӧдз; Гӧрд Затонын ӧтарӧ мунысь восьтасны Тракт уличаса туй подӧн вуджанінсянь Белинский улича дорын. Машинаяслы сувтанінъяссӧ весаласны лымйысь, сувтӧдасны недыр кадся туй пасъяс.

Поводдяыс кӧ лёкмас, карса веськӧдланін вуджӧдас «Россияса лыжня – 2019» мӧд кад вылӧ, мый йылысь юӧртас водзвыв.

*** Гажсӧ котыртӧны «Сыктывкар» каркытшса администрацияысь физическӧй культура да спорт управленньӧ, Россияса спорт министерство, Коми Республикаса физическӧй культура да спорт министерство, Сыктывкарын спортивнӧй мероприятиеяс нуӧдан шӧрин.

коми

Источник: Администрация города Сыктывкар

Добавить комментарий

Ваш e-mail не будет опубликован. Обязательные поля помечены *